Inihayag ng National Disaster Risk Reduction and Management Council (NDRRMC) Spokesperson Mark Timbal na ligtas na sa sakit na gastroenteritis ang mga residente sa dinagat island kasunod ng pananalasa ng bagyong Odette.
Matatandaang umabot sa isandaang pasyente ang peak ng kaso sa Dinagat Islands kabilang na dito ang tatlong nasawi matapos mawalan ng pagkukunan ng malinis na inumin ang mga residente sa nasabing lugar.
Ang gastroenteritis ay isang sakit sa intestine ng isang tao sanhi ng virus, bacteria o parasite na nakakain o naiinom ng isang indibidwal.
Dahil dito, naglagay na ng water filtration at disinfection equipment ang gobyerno para sa mga nasalanta ng bagyo. —sa panulat ni Angelica Doctolero