Tuwang-tuwa ang aktor na si Gabby Concepcion sa patuloy na pagtaas ng ratings ng kanyang serye ang Ika-anim na Utos sa Kapuso Network.
Kasama ni Gabby sa nasabing palabas sina Sunshine Dizon na gumaganap na dati niyang asawang si Emma at si Ryza Cenon na kilala bilang si Georgina na kinakasama niya.
Ayon kay Gabby na gumaganap bilang Rome hindi nila inaasahan ang mataas na rating ng kaniyang serye subalit nagpapasalamat sila sa patuloy na pagtangkilik sa kanilang palabas kung saan naka focus ang paghihiganti ni Sunshine kay Ryza at pinaglalaruan nito maging ang dating asawang si Gabby.
Hindi rin malimutan ni Gabby ang reaksyon ng isang fan na nanood ng kanilang taping at nagsabi sa kaniyang “alam mo Rome, maraming Georgia rito”na patunay aniya nang pagtangkilik ng mga manunuod sa kanilang palabas.
Kasabay nito ipinagtanggol ni Gabby si Ryza sa mga basher dahil ginagampanan lamang aniya ng Kapuso actress ang papel nito bilang kaniyang live in partner at umagaw sa kaniya kay Sunshine.
By Judith Larino
