Ipinagkaloob din ng National Telecommunications Commission (NTC) sa Aliw Broadcasting Corporation ang provisional authority sa pag-operate ng frequency ng channel 23, na dating ginamit ng ABS-CBN.
Ang nabanggit na channel ay dating hinawakan ng Amcara Broadcasting Corporation, kung saan umeere ang ABS-CBN sports action sa ilalim ng blocktime arrangement.
Hulyo 30 taong 2007 pa nag-file ang Aliw Broadcasting bilang ikalawang aplikante para sa “provisional authority” na mag-install, operate at maintain ng isang digital TV frequency sa Metro Manila.
Ang Aliw ay parent company ng mga radio station na DWIZ 882 at 97 dot 9 Home Radio.