Ipinaaresto na ng isang korte sa Surigao Del Sur si Kapa Founder Pastor Joel Apolinario at iba pang opisyal ng Kapa Ministry International.
Ayon sa securities and exchange commission, nagpalabas ng arrest warrant ang Bislig City Trial Court branch 29 laban kina Apolinario, asawa nito at Corporate Secretary Reyna Apolinario, Trustee Margie Danao.
Gayundin mga sumusunod na indibwal na sinasabing nag – promote naturang investment scam na sina Marisol Diaz, Adelfa Fernandico, Moises Mopia, Catherine Evangelista at Rene Catubigan.
Ipinalabas ang naturang warrant makaraang magsampa ang prosecutor ng DOJ ng criminal charges laban kay Apolinario at iba pa dahil sa paglabag sa Republic Act 8799 o securities regulation code.
Nakilala ang kapa dahil sa pangako nitong pagbibigay ng 30% na love gift sa bawat donasyon na ipinagkaloob ng mga miyembro nito.
Matatandaang noong nakaraang taon mismong si Pangulong Rodrigo Duterte ang nag-utos na ipasara ang Kapa dahil sa isyu ng katiwalaan.