Kinansela ng Metropolitan Waterworks Sewerage System (MWSS) board of trustees ang resolusyon kaugnay ng pagpapalawig sa concession agreement ng Manila Water at Maynilad mula 2022 hanggang 2037.
Ito ang kinumpirma mismo ni MWSS Chairman Reynaldo Velasco alinsunod aniya sa naging kautusan ng Malakanyang.
Dahil dito, magkakaroon muli ng panibagong negosasyon para sa concession agreement matapos ang 2022.
Magugunitang, matinding ikinagalit ni Pangulong Rodrigo Duterte ang naging desisyon ng arbitration court sa Singapore kung saan pinagbabayad ang pamahalaan ng mahigit P7-B sa Manila Water matapos umanong malugi dahil sa hinarang na taas singil sa tubig.
