Patay sa pamamaril ang dating miyembro ng Revolutionary Proletarian Army na Alex Boncayao Brigade sa Cadiz City, Negros Occidental.
Kinilala ang biktima na si Jose Renante Fernandez, 44 anyos.
Ayon kay Cadiz City Police Chief Lt. Col Robert Mansueto, sakay ng motorsiklong minamaneho ni Gerson Pechon si Fernandez kung saan patungo ang mga ito sa barangay hall para dumalo sa isang pagdinig kaugnay sa reklamong isinampa niya laban sa may utang sa kaniya.
Dito sinundan ng dalawang lalaking naka-motorsiklo rin sina Fernandez at saka ito binaril.
Nagtamo ng tama ng bala sa ulo at binti ang biktima na siya nitong ikinasawi.
