Naghain na rin ng kanyang certificate of candidacy sa pagka-alkalde ng Maynila si dating Mayor Alfredo Lim.
Kasamang naghain ng COC ni Lim ang kanyang running mate na si Manila First District Congressman Atong Asilo sa tanggapan ng COMELEC sa Arroceros Manila.
Bago naghain ng kanilang COC, nagtipon muna ang grupo ni Lim sa harap ng bantayan nina dating Pangulong Corazon Aquino at dating Senador Benigno Aquino malapit sa Manila Hotel at saka nagmartsa patungo ng COMELEC.
Una nang naghain ng COC para sa pagka-alkalde ng Maynila si Cong. Amado Bagatsing samantalang wala pang pahiwatig kung kailan maghahain ng kanyang COC si Manila mayor Joseph estrada para sa kanyang re-eleksyon.
By Len Aguirre | Aya Yupangco (Patrol 5)
