Nagpadala na ng mga sundalo ang España sa maliit nitong teritoryo sa Africa matapos itong dagsain ng libo-libong migrante mula sa border nito sa Morocco.
Hindi bababa sa siyam na migrante ang naitalang nasawi habang tinatangka nilang tumawid patungong Ceuta upang makarating sana ng Europa.
Humiling na ang lokal na pamahalaan ng Ceuta na magpadala na ng pwersang militar upang maibalik ang seguridad ng naturang lugar at ang border sa pagitan ng Morocco at España.
Samantala, nakatakda ring bumisita sina Spanish Prime Minister Pedro Sanchez at Interior Minister Fernando Grande-Marlaska upang tingnan ang sitwasyon sa nasabing teritoryo. | Sa panulat ni Anjo Riñon
