Hindi kwalipikado sa Witness Protection Program (WPP) ang umaming gunman sa Percy Lapid na si Joel Escorial at isa pang middleman mula Palawan na si Christopher Bacoto.
Ayon kay Mico Clavano, tagapagsalita ng Department of Justice (DOJ), may mga requirements sa pagsailalim sa WPP at isa rito ay kailangang hindi gumawa ng krimen.
Si escorial na sumuko sa Philippine National Police ang nagtukoy sa tatlo nitong kasabwat kabilang ang magkapatid na sina Israel at Edmund Dimaculangan, at nagngangalang Orly na pinaghahanap pa ngayon.
Maliban sa tatlo, pinangalanan din ni Escorial si Bacoto at Cristito Villamor bilang middleman sa kaso.