Naghahanda na ang pamunuan ng Department of Agriculture(DA) sa posibleng epekto ng La Niña sa sektor ng sakahan sa bansa.
Kung kaya’t nakabuo na ang Philippine Rice Research Institute o Philrice ng hybrid rice varieties na kayang-kayang mabuhay sa panahon ng tag-ulan.
Ayon sa Philrice, 6 na klase na ng hybrid rice ang kanilang isinailalim sa eksperimento na mga magsasaka, at iba’t-ibang kinatawan ng seed companies.
Sa isinagawang pag-aaral, lumalabas na maganda ang naging ani ng naturang klase ng mga bigas na tinanim sa panahon ng tag-ulan o wet season.