Tiniyak ng Department of Health na sapat ang programa ng ahensya para tugunan ang lumalaking problema ng suicide cases sa bansa.
Ayon kay Senate Committee on Finance chairman Sherwin Gatchalian, mayroong labing dalawang mental health programs ang DOH sa susunod na taon.
Kabilang dito ang community based mental health programs, school-based mental health programs, Lusog Isip, peer counseling, mental health crisis hotline, mental health package sa PhilHealth at iba pang suicide prevention initiatives.
HinIKayat naman ng DOH ang publiko na agad kontakin ang National Center for Mental Health hotline 155 kung sakaling nakararanas ng mental health issues.
Hinimok din ng DOH ang mga magulang na suriin ang kanilang mga anak habang maaga at alamin sa mga eskwelahan o komunidad tungkol sa mga mental health programs na makakatulong sa kanila.
