Pangungunahan ni Representative Luzviminda Ilagan ng Gabriela Women’s Partylist ang pagsalubong kila Emperor Akihito at Empress Michiko ng bansang Japan.
Nais ni Ilagan na salubungin ng protesta ang Emperor at Empress ng Japan sa pamamagitan ng pagpapaalala sa mga ito ng malaking isyu tungkol sa comfort women.
Sinabi ni Ilagan na dapat ipaalala sa mga pinuno ng bansang Japan na may natitira pang malaking isyu ang Pilipinas tungkol sa mga comfort women na naging sex slave ng mga Hapon noong panahon ng pananakop nito sa Pilipinas.
Nais ni Ilagan na humingi ng pormal na apology ang Japan sa mga comfort women at bigyan ng compensation ang mga biktima nito.
“Naghihintay nga ng formal apology, yun naman ang ating hinihingi na i-acknowledge ng Japan na talagang ginawa nila ito, na meron silang mga nabiktima na ginawa nilang mga sex slave, i-acknowledge, tapos mag-formal apology at bigyan ng compensation kasi mga biktima ito.” Pahayag ni Ilagan.
By Mariboy Ysibido | Balitang Todong Lakas