Mamamahagi bukas ng Economic Welfare Assistance (EWA) sa kanilang mga empleyado ang pamahalaang lungsod ng San Juan.
Sa facebook post ni Mayor Francis Zamora, sa ilalim ng EWA, makakatanggap ng 15th month pay ang mga empleyado ng San Juan City Hall at San Juan Medical Center na may permanent, casual, job order at contractual status na nakapagserbisyo ng mahigit apat na buwan o bago mag-October 31, 2022 at dapat ay nasa serbisyo pa rin hanggang sa nasabing araw.
Ang mga empleyado at job order naman na nakapagserbisyo ng mas mababa sa apat na buwan at nasa serbisyo pa hanggang sa nasabing araw, ay tatanggap ng P4,000.
Ang nasabing assistance ay bilang tulong sa mga empleyado na mabawasan o mapagaan ang kanilang gastos ngayong holiday season.