Malakas ang survey result para kay Davao City Mayor Rodrigo Duterte kahit na hindi pa ito nagdedeklara ng kandidatura sa pagka-Pangulo ng bansa.
Ito ang nakikita ng political analyst na si Professor Prospero de Vera.
Ayon kay de Vera, bagamat hindi pa nagdedeklara si Duterte ng kanyang intensyong sumabak sa halalan pampanguluhan sa susunod na taon, malakas ito sa survey.
Malaki rin aniya ang tiyansang umangat pa lalo ang survey ratings ni Duterte kapag nagdeklara ng kandidatura.
Sinabi pa ni de Vera na walang bago sa mga pinakahuling survey maliban sa kapansin-pansin ang patuloy na paglakas ni Duterte sa kabila ng urong-sulong na mga pahayag nito sa pagtakbo.
Partikular na lumakas ang suporta ng mga tao kay Duterte sa Metro Manila.
“Ang noteworthy sa survey ay si Mayor Duterte ay malakas kahit na hindi siya declared, si Mayor Duterte bagamat nagsasabi na hindi pa siya sigurado, na hindi siya tatakbo ay malakas ang kanyang survey result.” Pahayag ni de Vera.
By Mariboy Ysibido | Ratsada Balita
