Nire-review na ng Department of Trade and Industry ang hiling ng ilang manufacturers ng sardinas at instant noodles na magtaas ng presyo ng kanilang produkto.
Ayon kay Trade Secretary Cristina Roque, mas mababa sa 10 percent ng kasalukuyang presyo ang hinihiling na dagdag-presyo ng mga kumpanya ng basic necessities at prime commodities.
Ipinaliwanag ng kalihim na logistics at fuel costs ang pangunahing dahilan ng mga manufacturer ng sardinas sa paghiling ng price increase sa kanilang mga produkto.
Una nang nagkasundo ang DTI at mga manufacturer na huwag munang magtaas ng presyo sa mga pangunahing bilihin hanggang nitong Mayo 10. —sa panulat ni Jordan Gutierrez
