Malaki ang maitutulong ng isasagawang pilot face-to-face classes sa mga piling lugar na maituturing nang low risk sa COVID-19 sa Enero ng susunod na taon.
Ito’y ayon sa Department of Education (DepEd) ay upang makakalap sila ng mga kinakailangang impormasyon na gagamiting batayan sa pinal na rekomendasyon kung ganap nang ibabalik ang face-to-face classes.
Kaugnay nito tiniyak ng DepEd na mahigpit nilang susundin ang inilatag na kondisyon sa pagpili ng mga lugar at eskuwelahang isasama sa dry run.
Kinakailangan anilang nasa ilalim ng modified general community quarantine ang lugar, mayroong commitment mula sa DepEd, LGU’s at mga magulang para sa magkatuwang na responsibilidad.
Dapat ding matiyak ang mahigpit na pagpapatupad ng health protocol sa loob ng bahay ng kalahok na estudyante at maging sa pagbiyahe nito patungo at pabalik ng eskuwelahan.
Iginiit ng DepEd, buong linggo ang klase pero uutay-utayin o laktaw-laktaw ang schedule nito at babawasan din ang mga estudayante para masiguro ang physical distancing sa mga silid aralan.