Aabot sa P600,000 ang halaga ng hinoldap ng riding-in-trio sa isang driver at pahinante ng isang truck sa Libertad, Pasay City.
Sa pahayag ng pahinanteng kinilalang si Cristobal Bianes, galing sila sa Libertad Market para mag-deliver ng baka at maningil ng mga bayad sa kanilang mga sinusuplayang karne.
Nang makarating sila sa Libertad Street upang kitain ang kanilang amo at para iabot ang nasingil na pera, dito na sila inatake ng mga holdaper saka pinaputukan ng tatlong beses ang kanilang sinasakyan.
Ayon kay Bianes, tinangay ng mga holdaper maging ang kanilang suweldo.
Naniniwala si Bianes na matagal na silang minamatyagan ng mga suspek kung saan, inamin nang driver na si Ronald Namayan, na matagal na siyang nakatanggap ng babala mula sa isa sa mga sinu-supplyan nila ng baka sa palengke.
Ligtas naman sina Bianes at Namayan habang patuloy pang nagsasagawa ng follow-up operation ang mga pulis upang maaresto ang mga suspek.