Makabubuting hatulan na ng publiko si Transportation Secretary Arthur Tugade kung mabibigo itong maayos ang operasyon ng MRT o Metro Rail Transit Line 3 bago magtapos ang buwang kasalukuyan.
Ayon iyan kay Senate Committee on Public Services Chairman Grace Poe makaraang maglabas ng kaniyang pagkabahala at pagkadismaya nang malamang pito na lamang ang tumatakbong tren ng MRT Line 3.
Magugunitang ipinangako ni Tugade na asahan na ng publiko ang mas maasyos na serbisyo ng MRT Line 3 bago matapos ang buwang ito dahil sa pagbabalik ng orihinal na service provider nito na Sumitomo.
Pero babala ni Poe, hindi siya mangingiming kastiguhin ang mga opisyal ng DOTR sakaling mabigo ang mga ito na maihatid ang pangakong ginhawa sa mga pasahero ng naturang mass transit.
Ulat ni DWIZ Patrol Reporter Cely Ortega-Bueno
Posted by: Robert Eugenio
