Lumakas ang loob ng Department of Transportation o DOTR na isulong lalo ang kanilang PUV Modernization Program dahil sa naging matinding pahayag ni Pangulong Duterte kaugnay sa ikinasang dalawang araw na tigil pasada ng grupong PISTON.
Matatandaang nagbanta ang Pangulo na guguyurin niya ang makita niyang lumang pampasaherong jeep sa January 1.
Nakatulong umano ang pagdidiin ni Pangulong Duterte sa mga transport group na dapat sumunod ang mga ito para rin sa kapakinabangan ng publiko dahil sa mga bentaheng dulot ng naturang proyekto.
Hindi naman aniya titigil ang DOTR hanggang sa maisakatuparan ang modernisasyong kanilang isinusulong lalo na’t may suporta ito ng Pangulo.
