Ipinag-utos ni Philippine National Police Chief Director General Bato Dela Rosa na arestuhin ang mga pulis na sangkot sa iligal na droga.
Ayon kay Chief Supt. Graciano Jaylo Mijares Director ng Philippine National-Drug Enforcement Group iniutos ni Dela Rosa na makipagtulungan sila sa CITF o Counter Intelligence Task Force para magsagawa ng operasyon na tutugis hindi lamang sa mga pulis na sangkot sa iligal na droga ngunit pati na rin sa mga iligal na gawain.
Bukod din sa pakikipagtulungan sa CITF ay magpapatuloy pa rin aniya ang kanilang intelligence-gathering sa iligal na droga at ii-endorso sa Philippine Drug Enforcement Agency o PDEA.
Samantala, itinalagang bagong Regional Director ng Autonomous Region for Muslim Mindanao si Mijares habang si Chief Supt. Joseph Adnol ng PNP-Region 10 ang magiging bagong PNP-DEG Director.
