Patuloy na pinaghahandaan ang inaasahang muling pagbubukas ng Manila Bay Dolomite Beach sa publiko sa darating na Araw ng Kalayaan sa linggo, June 12, 2022.
Muling nagkasa ng ilang pagsasaayos at paglilinis sa Dolomite Beach kung saan may panibagong tumpok ng buhanginang inaasahang ilalatag dito.
Maliban dito, may bagong atraksyon din na makikita sa Roxas Boulevard ito ang World War II Heritage Cannon sa bahagi ng Remedios Street, o tapat ng Rajah Sulayman Park na galing pa Fort Drum Island.
Ang naturang atraksyon ay pormal na ilulunsad sa mismong araw ng kalayaan.
Sinabi ng Department of Environment and Natural Resources (DENR), mahigpit nilang paiiralin ang health and safety protocols kontra COVID-19.
