Tiniyak ng Department of Social Welfare and Development (DSWD) na tuloy-tuloy ang serbisyo ng kanilang ahensya.
Ito ang sinabi ni DSWD Spokesperson Irene Dumlao, na lahat ng assets ng kagawaran ay handa na nilang i-turn over sa susunod na pamunuan ng ahensiya kaya’t hindi mahihinto pati ang mga programa nito.
Ani Dumlao, mayroon aniya silang sapat na stand by funds at stockpiles sakaling kailanganin ito lalo na’t panahon na ng tag-ulan.
Handa na rin aniya ang central office pati na rin ang National Resource Operation Center at ang kanilang mga field offices para sa kailangang stockpiles na mga family food packs at non food items.