Magsasagawa ng inspeksyon ang Department of Labor and Employment sa Metro Manila upang tiyakin kung ipinatutupad ng mga employer ang unang bugso ng dagdag-sahod na epektibo noong Sabado, Hulyo a-bente-singko.
Ayon kay Labor Secretary Francis Tolentino, sa ngayon ay nasa halos siyamnapu’t-limang porsiyento ang compliance rate ng NCR o National Capital Region.
Paalala ng kalihim sa mga MSME o Micro, Small, and Medium Enterprises na hindi pa kayang sumunod sa kautusan, maaari pa silang humingi ng exemption hanggang Setyembre a-bente-tres.
Sa ilalim ng Wage Order No. NCR-27, ang paunang adjustment ay magtataas sa minimum salary ng mga private non-agriculture sector worker ng sisenta (60) pesos sa seven hundred fifty-five pesos kada araw, mula sa dating six hundred ninety-five pesos.
Samantala, itinaas sa seven hundred eighteen pesos mula sa dating six hundred fifty-eight pesos ang rate sa agriculture sector, service, at retail shops na hindi hihigit sa labinglima ang empleyado, at manufacturing firms na hindi hihigit sa sampu ang regular workers. | mula sa panulat ni Reianne Antiquina
