Tumanggi munang magkomento ang liderato ng justice department ukol sa naging resolusyon ng investigating prosecutor sa reklamong paglabag sa quarantine protocol ni Senador Koko Pimentel.
Ayon kay Justice Secretary Menardo Guevarra, ito’y dahil posibleng may maghain pa ng apela patungkol dito na maaring umabot pa sa kanyang opisina.
Kaya’t mahirap na anyang magbigay siya ng kanyang komento sa pagkabasura ng kaso laban kay Pimentel.
Kasunod nito, ani Guevarra, kung sa pananaw ng publiko ay naging biased ang ahensya, sa kaso ni pimentel, ay hindi niya umano maaring panghimasukan ito at wala siyang magagawa kung may mga nag-iisip ng ganoon.
Sa huli, iginiit pa ni DOJ Secretary Guevarra, na bagama’t mayroon mga ganyang sitwasyon, umasa umano ang publiko na nakahanda ang DOJ na ipatupad ang criminal justice system ng bansa na patas at walang pinapanigan.