Nakapagtala ang Department of Health (DOH) ng karagdagang 193 COVID-19 infections nitong Huwebes.
Ito na ang ikatlong araw na magkasunod na nakapagtala ang ahensya ng COVID-19 cases na mas mababa sa dalawang daan.
Bumaba naman sa 9,585 ang aktibong kaso ng nakahahawang sakit na mas mababa sa 10,576 na naitala noong Miyerkules.
Sa ngayon ay umakyat na sa 3,685,222 ang kabuuang bilang ng COVID-19 cases sa bansa, kung saan nasa 3,615,370 ang bilang ng mga nakarekober at 60,267 ang nasawi.
