Pinaalalahanan ng Department of Health (DOH) ang mga mag-asawa at magkasintahang nagdiriwang ng Valentines Day, na mag-ingat hindi lamang laban sa COVID-19 kundi maging sa iba pang sakit gaya ng human immunodeficiency virus (HIV).
Batay sa datos ng DOH, naiulat ang 83,755 kabuuang na-diagnose na mga kaso ng HIV sa Pilipinas.
Samantala, tiniyak ni Health Undersecretary Maria Rosario Vergeire, na sa kabila ng pagtutok ng gobyerno sa COVID-19 pandemic, patuloy na tinutugunan ng DOH ang iba pang mga sakit na nakakaapekto sa mga pilipino.
Gayunpaman, pinapaalalahanan din ng opisyal ang publiko tungkol sa #awrasafely, na sumusulong sa kamalayan sa HIV gayundin ang mga magagamit na serbisyo para sa people living with HIV sa bansa. —sa panulat ni Kim Gomez
