Maglalabas pa rin ang Department of Health ng daily COVID-19 case updates sa 2022 pero sa ibang paraan.
Ito ang nilinaw ni DOH Spokesperson, Undersecretary Maria Rosario Vergeire matapos i-anunsyo na hindi na ipo-post ng ahensya ang daily COVID-19 case bulletin sa social media simula January 1, 2022.
Ayon kay Vergeire, i-re-reformat lamang ang paglalabas ng mga impormasyon sa isang detalyadong paraan at maayos na gabay para sa publiko.
Bukod anya sa pag-upload ng raw data sa kanilang website, mag-i-issue rin sila ng advisories kada araw kung saan isasama ang daily reported cases.
Nanindigan si Vergeire sa desisyon ng kagawaran dahil kailangan ang mga pagbabago lalo’t karamihan sa mga detalye sa case bulletins ay hindi na kailangan sa publiko. —sa panulat ni Drew Nacino
