Nanawagan ang liderato ng San Juan City sa mga negosyante sa lungsod na kung maaari ay mabigyan ng diskwento ang mga fully vaccinated na mga residente ng lungsod.
Ayon kay San Juan City Mayor Francis Zamora, ang naturang hakbang ay para mas marami pa nilang residente ang mahikayat na magpabakuna kontra COVID-19.
Dagdag pa ni Zamora na kapwa rin naman makikinabang ang mga negosyante at ang mga customer nito dahil sa naturang hakbang.
Mababatid na sang-ayon ito sa kautusang nilagdaan ni Zamora na Executive Order 82 series of 2021.
Magugunitang binuksan na ng pamahalaang lungsod ng San Juan ang isang sinehan para maging isang vaccination center sa lungsod.
