Walang silbi at pamumulitika lamang sa gitna ng krisis dahil sa coronavirus disease 2019 (COVID-19).
Ganito inilarawan ni Interior And Local Government Spokesperson Undersecretary Jonathan Malaya ang aksyon ng National Bureau of Investigation (NBI) laban kay Pasig City Mayor Vico Sotto.
Ito ay matapos hingan ng paliwanag ng NBI si Sotto dahil paglabag umano nito sa bayanihan to heal as one act dahil sa usapin ng pagpasada ng mga tricycle sa Pasig City sa kabila ng umiiral na enhanced community quarantine sa boung Luzon.
Ayon kay Malaya, para sa DILG, tapos na at naresolba na ang isyu sa paggamit ng mga tricycles sa lungsod.
Iginiit ni Malaya, sumusunod sa kautusan ng DILG at nakikipagtulungan sa ahensiya si Sotto.
