Plano ng Department of Information and Communications Technology (DICT) na maglunsad ng mga panibagong programa na may kaugnayan sa Science Technology Engineering at Mathematics (STEM) sa 2023.
Ito ayon kay DICT Secretary Ivan John Uy, ay upang matulungan ang bansa sa pagtatatag ng cyber security workforce.
Maglulunsad din ang ahensya ng mga short term course at long term program sa cyber security na magiging daan para sa agarang deployment ng cyber security professionals.
Aminado si Uy na maraming talentadong Pilipino sa larangan ng teknolohiya ngunit hindi nagku-qualify ang mga ito sa trabaho dahil sa kawalan o kakulangan ng credentials.
Sa ngayon, nasa 200 lamang ang certified cyber security experts o ang mga mayroong hawak na Certified Information Systems Security Professional (CISSP) Certification.
Sa naturang bilang, 30% lamang sa mga ito ay nasa bansa at 70% ang nasa ibayong dagat. —sa panulat ni Hannah Oledan