Suportado ng National Economic and Development (NEDA) ang pasiya ni Pangulong Rodrigo Duterte na huwag munang isailalim sa modified general communty quarantine (MGCQ) ang buong bansa.
Ito ay hangga’t hindi pa nasisimulan ang mas vaccination kontra COVID-19.
Ayon kay acting Socioeconomic Planning Secretary Karl Kendrick Chua, ginagawa ng pamahalaan ang lahat para masimulan na pagbabakuna, sa tulong na rin ng iba’t-ibang sektor.
Sa ganitong paraan aniya, mas mabubuksan pa ang ekonomiya ng Pilipinas.
Una nang inirekomenda ng NEDA ang pagsasailalim sa buong Pilipinas sa MGCQ simula Marso a-uno.
Gayundin ang pagtataas sa kapasidad ng mga pampublikong transportasyon hanggang 75%, pagpapahintulot sa pagbiyahe ng mas maraming provincial buses, pilot testing ng face-to-face clasess at pagluwag sa age restrictions ng mga maaaring lumabas.