Posibleng ilabas na anumang araw mula ngayon ng Department of Labor and Employment ang kanilang desisyon hinggil sa deployment ban sa Kuwait.
Sinabi ni Labor Secretary Silvestre Bello III na hinihintay pa nila ang report ng labor attaché sa Kuwait na naglalaman ng rekomendasyon kung pananatilihin o aalisin ang ban sa pagpapadala ng mga OFW.
Nilinaw din ng kalihim na hindi lang ang usapin ng pagmamaltrato ang dahilan ng suspensyon kung hindi maging ang mga insidente ng problema sa pagpapasahod sa mga OFW.
Una rito, ipinahayag ni Pangulong Rodrigo Duterte na mapipilitan siyang pauwiin ang mga OFW sa Kuwait kung hindi matitigil ang pangaabuso sa mga Pilipino doon.
Tinatayang nasa 250,000 Pinoy ang nagtatrabaho sa Kuwait na karamihan ay domestic workers.
Posted by: Robert Eugenio
