Isinusulong ngayon ng Association of Southeast Asian Nations o ASEAN leaders ang denuclearization ng Korean Peninsula.
Ito’y bunsod ng pagkabahala ng mga lider ng sampung miyembro ng ASEAN sa patuloy na nuclear program ng North Korea.
Nakasaad din sa draft statement ng ASEAN leaders ang posibleng pagkakalagay sa balag ng alanganin ang peace at stability ng rehiyon.
Magugunitang noong Agosto lamang sa ASEAN Foreign Ministers Meeting and Related Meetings ay pinangatwiranan ni North Korean Foreign Minister Ri Yong na paghahanda lamang sa posibleng giyera o pag-atake ng Estados Unidos ang ginagawa nilang nuclear program.
Nakatakdang lagdaan ng mga ASEAN leaders ang nasabing deklarasyon sa pagtatapos ng summit na kasalukuyang ginaganap sa bansa.
—-