Inamin ni Defense Secretary Delfin Lorenzana na hindi niya naitago kay Chinese Ambassador Zhao Jianhua ang kaniyang pagka-inis at pagkadismaya.
Kaugnay iyon sa ulat ng panglilimas ng mga huling isda sa mga mangingisdang Pilipino ng Chinese Coast Guard na nagbabantay sa bahagi ng Scarborough o Panatag Shoal.
Makikita sa video footage ng Radio and TV Malacañan sa pagdiriwang ng araw ng kalayaan sa Aguinaldo Mansion sa Kawit, Cavite kahapon, kausap ni Lorenzana si Ambassador Zhao at tila dinuro pa niya ito.
Bagama’t tahimik si Ambassador Zhao sa kung ano ang paksa ng kanilang pag-uusap ng Defense Chief, sinabi naman ng kalihim na partikular nilang pinag-usapan ang panibagong insidente ng pambu-bully umano sa mga mangingisdang Pilipino.
—-
