Isang magnitude 6.1 na lindol ang tumama sa Manay, Davao Oriental.
Ayon sa Philippine Institute of Volcanology and Seismology (PHIVOLCS), naganap ang pagyanig bandang alas-5:57 ng umaga.
May lalim itong 21 kilometro at tectonic ang origin.
Naramdaman ang intensity IV sa Manay at intensity II sa General Santos City at Tampakan, South Cotabato.
Naitala naman ang instrumental intensity II sa Davao City, Bislig City, Kidapawan City, at General Santos City.
Sinabi naman ng PHIVOLCS na wala namang inaasahang pinsalang naidulot ang naturang lindol ngunit posible ang aftershocks.