Nasa bansang Indonesia umano ang puganteng asawa ni international race car driver Enzo Pastor na si Dahlia Guerrero.
Batay ito sa mga dokumentong nakalap ng pamilya ni Enzo kung saan, gumagamit pa umano ito ng mga pekeng identification o ID cards.
Ayon kay Tom Pastor, ama ni Enzo, nagpagawa umano sa Recto sa Maynila si Dahlia ng pekeng drivers license gamit ang pangalang Amanda Cruz.
Matapos magpakasal naman sa isang Indonesian national, nagpalit na ito ng apelyido at ngayo’y Amanda Maragit na.
Nakakuha rin ng kopya ng Indonesian family card at resident card ni Dahlia ang pamilya Pastor mula sa isang impormante mula sa Indonesian Immigration.
By Jaymark Dagala
