Sasampahan na ng patong-patong na kasong murder at frustrated murder ng Philippine National Police (PNP) ang mga suspek sa nangyaring pagsabog sa Davao City na ikinasawi ng 15 katao.
Ayon kay Davao PNP Chief Senior Superintendent Michael Dubria, kabilang sa mga sasampahan ng kaso ang primary suspek na positibo anilang tinukoy ng mga biktima at testigo sa nangyaring pagsabog.
Samantala patuloy pa aniya ang isinasagawang imbestigasyon upang matukoy kung anong grupo ang nasa likod ng pambobomba.
Bahagi ng pahayag ni Davao PNP Chief Sr./Supt. Michael Dubria
By Ralph Obina
