Nakatakdang humarap sa Commission on Elections (COMELEC) si dating Pangulong Benigno Noynoy Aquino III mamayang alas-10:00 ng umaga.
Ito ay upang sagutin ang reklamong inihain Volunteers Against Crime and Corruption (VACC) laban sa kanya at sa ibang opisyal ng kanyang administrasyon sa COMELEC kaugnay ng pagpapatupad ng Dengue Immunization Program ilang linggo bago ang 2016 elections.
Kabilang din sa ipinatawag ng COMELEC ay sina dating Budget Secretary Butch Abad at dating Health Secretary Janette Garin na una na ring nagpahagyag ng kanyang kahandaan na harapin ang reklamo.
Magugunitang humarap na rin si Aquino sa pagdinig ng Senado at Kamara de Representates kaugnay ng kontrobersiyal na Dengvaxia para linisin ang pangalan.
Iginiit ni Aquino na walang anomalya at dumaan sa tamang proseso ang kanilang pagbili at pagpapatupad sa Dengvaxia mass vaccination.
—-