Nagpaabot ng pakikiramay si dating pangulo at ngayo’y Senior House Deputy Speaker Gloria Macapagal Arroyo sa pamilya ng pumanaw na Pinay Olympic Athlete na si Lydia De Vega-Mercado.
Ayon kay Arroyo, isang malaking kawalan ang pagpanaw ng atleta na nagbigay ng marka at malaking karangalan sa larangan ng pampalakasan.
Magsilbi aniya sanang motibasyon sa iba pang mga atletang Pilipino ang tagumpay ni De Vega.
Kinumpirma ni Stephanie Mercado De Koenigswarter na pumanaw ang kanyang ina sa Makati Medical Center, kagabi dahil sa sakit na breast cancer.
Nakilala si De Vega bilang Sprint Queen ng Asya matapos manalo ng dalawang beses sa Asian games noong 1982 at 1986. —sa ulat ni Tina Nolasco (Patrol 11)
