NABUNYAG na nagtatrabaho na ngayon bilang delivery man sa Leipzig City sa Germany ang dating communications minister ng Afghanistan na si Sayed Sadaat.
Si Sayed na 49 taong gulang ay nagpunta ng Germany noong nakaraang taon para makipagsapalaran dahil sa kaguluhan sa kanilang bansa.
Ayon sa British-Afghan dual citizen, noong una ay nahihirapan siya dahil maraming bumabatikos sa kanya sa pagtanggap niya ng ganoong trabaho.
Nabatid na si Sayed ay kumalas sa Afghan government noong 2018 dahil hindi niya umano makasundo ang ilang opisyal ng gobyerno.
Sinabi ni Sayed na nais na ring sumunod sa kanya ang pamilya niya na kasalukuyang nasa Kabul matapos kubkubin ng Taliban ang kanilang bansa.