Umapela si Department of Agrarian Reform (DAR) Sec. John Castriciones sa mga magsasaka na huwag namang iwan ang kanilang marangal na propesyon.
Ito’y ayon sa kalihim ay upang mapanatili ang seguridad ng pagkain sa harap ng sunud-sunod na dagok o krisis na dumarating sa bansa.
Binigyang diin pa ng kalihim na naka-a-alarma na ang pagdami ng mga nagkaka-edad na magsasaka subalit walang mga kabataang nagkaka-interes sa larangan ng pagsasaka.
Dahil dito, hinihikayat ni Castriciones ang lahat ng mga pamilyang magsasaka na turuan ang kanilang mga anak na mahalin at pahalagahan ang agrikultura dahil dito aniya nakasalalay ang magiging kapalaran ng susunod na mga henerasyon.
