Patay ang isang construction worker habang sugatan ang isang labores matapos ang magkahiwalay na pamamaril sa Pagbilao town sa Quezon Province.
Ayon sa Pagbilao police, kinilala ang nasawi na si Glenn Perdon, 43 anyos na binaril ng hindi nakikilalang lalaki habang umiinom ng beer sa isang tindahan.
Agad nakatakas ang salarin matapos masawi on-the-spot si Perdon.
Maliban kay Perdon, sugatan naman si Ronald Borja matapos barilin ng kaniyang kuya nang magtalo habang nag-iinuman.
Agad naman itong isinugod sa ospital para gamutin habang nakatakas naman ang kaniyang kapatid.—sa panulat ni Abby Malanday