Humirit ng dagdag na pondo si Secretary Francis Pangilinan para sa paglaban sa coconut scale insect o ang tinatawag na cocolisap.
Si Pangilinan ay ang kasalukuyang Assistant on Food Security and Agricultural Modernization ni Pangulong Benigno Aquino III.
Giit ng Kalihim, hindi sapat ang P125 million na hinihingi ng Philippine Coconut Authority o PCA para sa susunod na taon.
Aniya, kailangan ang malaking pondo upang tuluyang mapuksa ang mga naturang peste sa niyog.
Matatandaang nagpahayag ng pangamba ang mga magniniyog laban sa posibleng pagdami ng mga cocolisap bunsod na rin ng banta ng tagtuyot.
By Jelbert Perdez
