Suportado ng Department of Budget and Management (DBM) ang panukalang i-livestream ang lahat ng congressional budget deliberations para mas maging accessible sa publiko at mapatibay ang ‘transparency at public engagement.’
Ayon kay DBM Secretary Amenah Pangandaman, mahalaga ang pagtutulungan sa pagitan ng ehekutibo at lehislaturang sangay ng pamahalaan upang matiyak na umaayon ang 2026 General Appropriations Act sa mga prayoridad na itinakda sa 2026 National Expenditure Program.
Aniya, ang pagpapaigting sa transparency ay magbibigay ng kapangyarihan sa mga Pilipino na aktibong subaybayan kung paano inilalaan ang pampublikong pondo.
Nabatid na una nang isinumite ng DBM sa Kongreso ang 2026 N-E-P na naglalaman ng proposed 6 point 79 trillion pesos na budget para sa susunod na taon.
