Nagsagawa na ng joint inspection sina Department of Public Works and Highways (DPWH) MIMAROPA Regional Director Engr. Gerald Pacanan, CESO III, at Oriental Mindoro Governor Humerlito “Bonz” Dolor sa flood dike sa Bongabong, Oriental Mindoro.
Ayon kay Director Pacanan, nagsasagawa na siya ng review sa lahat ng government flood control projects sa kanyang nasasakupan.
Ito aniya ay para makagawa ng kumprehensibong report na isusumite sa DPWH national office alinsunod na rin sa kahilingan ng Pangulong Ferdinand Bongbong Marcos.
Tiniyak din ng opisyal sa publiko ang transparency, accountability at ang de kalidad na infrastructure.
Tiniyak din ni Director Pacanan kay Governor Dolor na gagawin ng DPWH MIMAROPA ang lahat ng paraan para maging maayos at kapaki-pakinabang sa MGA mamamayan ng lalawigan ang mga proyekto ng kanilang tanggapan.
Nanawagan din si Director Pacanan sa mga residente ng MIMAROPA na i-report sa kanilang Facebook page na DPWH MIMAROPA ang mga kahina-hinalang substandard na DPWH projects.
