Irerekomenda na ni House Committee on Basic Education and Culture Chairman Roman Romulo sa Department of Education na maglaan ng pondo sa pagkuha ng mga karagdagang security guard sa mga paaralan.
Ito, ayon kay Pasig Congressman Romulo, ay sakaling hindi pa kabilang ang mga security guard sa mga binuksang non-administrative position ng departamento.
Maliban dito, dapat na rin anyang mag-hire ng karagdagang guidance counselor sa mgapampublikong paaralan sa bansa.
Tugon ito ng kongresista sa gitna nang serye ng karahasan sa ilang paaralan kamakailan.
Samantala, ipinaliwanag din ni Romulo ang kahalagahan ng papel ng pamilya at ng komunidad sa isang karakter at isip ng mga bata.
