Malabong magkaroon ng balasahan sa mga opisyal ng Commission on Elections (COMELEC).
Ito ang binigyang diin ni COMELEC Spokesperson James Jimenez matapos may napaulat na may mga opisyal umano sa ahensya ang matatanggal sa pwesto.
Nilinaw ni Jimenez sa kanyang Twitter post na hindi maaaring magkaroon ng balasahan ng opisyal sa tanggapan dahil ito’y isang independent constitutional commission.
Maaari lamang aniyang mawala sa pwesto ang isang opisyal ng COMELEC kung ito’y mai-impeach sa pwesto pero hindi maaaring gawin ang balasahan sa pwesto.
Giit ni Jimenez, ang mga kumakalat na impormasyon ay pawang walang katotohanan at ginagamit lamang para sa pamumulitika.
