Asahan bukas ang malakihang bawas-presyo sa diesel at kerosene.
Batay sa abiso ng Pilipinas Shell Petroleum Corp., Chevron Philippines Inc., o Caltex at Seaoil Philippines Inc., magkakaroon ng P4.45 na rollback sa kada litro ng kerosene, habang P4.15 naman sa diesel.
Ipatutupad din ng cleanfuel at petrogazz ang kaparehong price adjustment maliban sa kerosene.
Samantala, wala namang magiging paggalaw sa presyo ng gasolina.
Sa pinakahuling datos mula sa Department of Energy, pumalo na sa P17.45 ang year-to-date total adjustments sa net increase ng kada litro ng gasolina, habang P29.10 naman sa kada litro ng diesel, at P24.30 sa kada litro ng kerosene hanggang nitong August 16, 2022.
