Pinaikli na ang curfew hours sa lungsod ng Maynila —mula sa dating alas-8 ng gabi, ay ginawa na lamang itong mula alas-10 ng gabi hanggang alas-5 ng umaga.
Ito, ayon kay Manila Mayor Francisco “Isko” Moreno, ay makaraang aprubahan ng city council ang pag-amyenda sa naturang schedule sa ilalim ng Ordinance No. 8647.
Unti-unti rin aniyang aalisin ng lokal na pamahalaan ng lungsod ang curfew kung mako-kontrol na ang sitwasyon ng coronavirus disease 2019 (COVID-19) pandemic.
Gayunman, mananatili naman, ani Moreno, ang curfew para sa mga menor-de-edad.
Samantala, sa pinakahuling datos ng lungsod ngayong Martes, nasa 1,167 na ang kabuuang kaso ng COVID-19 sa lugar; 557 sa mga ito ang naka-recover, habang 110 naman ang mga nasawi.