Apat pang kaso ng coronavirus disease 2019 (COVID-19) ang naitala sa Zamboanga City.
Dahil dito, ayon sa local Inter-Agency Task Force (IATF), umakyat na sa 253 ang bilang ng mga tinamaan ng virus sa lungsod.
Sa isang health bulletin, binanggit na ang isang pasyente ay 35 anyos na lalaki mula sa Barangay Arena Blanco at kasalukuyan itong ginagamot sa Zamboanga City Medical Center.
Ayon sa task force, sa kabuuan, mayroon nang 71 active cases sa lungsod, 174 ang recoveries at walo naman ang nasawi.